Rajasthani Translation of my English Poetry by Ravi Purohit

 श्रीमती रजनी छाबड़ा री घणचावी अंग्रेजी कवितावां रो राजस्थानी उथळो...

###############################

घणो ई है

अेक सपनो

थिर-रंगहीण आंख सारू

अेक निसखारो

मून धारियै होठां सारू

अेक अणछंट कारी

चाक-हियै छाती सारू

घणो ई है इत्तो सामान

म्हारै जीवणै सारू !

##

होवण सूं नीें होवण तांई

होवणै सूं

नीं होवणै तांई रो आंतरो

अंवेर राखी है

ठाह नीं कित्ती गैरी-ऊंडी आडियां

पाछो ई लेवणो है जद

तद देवै ई क्यूं

नीं मिळती फिरदौस

नीं कळपतो काळजो

लूंटीजण रै भाव-दीठ !